Dialuna anochi alrededor di 11:10 pm polis a presenta den e parkeerplaats di Ritz Carlton p’un homber betra y agresivo. E homber tabata sinta den su auto marca Chevrolet color blanco numera A-497.
Su detencion no a bay dje facil ey. E no a haci uzo di su derecho pa keda keto. Cada rato e tabata teima riba cu e polisnan. A opta pa deten’e y hib’e ward’i polis.
A laga su auto para den parkeerplaats mientras cu un transporte policial a hib’e warda pa present’e dilanti un subfiscal pa por procesa su detencion. Ey lo dicidi riba su encarcelacion of libertad, basa riba e prome interogacion.
