Awe tabatin sentencia den e caso di asesinato na Wayaca, unda cu e acusado principal Steve Fan.
E delito aki a wordo cometi na september, 2017, unda cu e otro acusado ta un hoben Boneriano, kende tabata traha cu Stevie Fan. E caso aki a hala hopi atencion mirando cu e victima tabata tanta di Stevie Fan, kende ta esun cu a baha e Boneriano na e cas dia di e sucedido.
Apesar cu e ta nenga di tabata envolvi, Corte den Prome Instancia a hay’e culpabel y pa motibo cu ta trata hustamente di un caso di relacion familiar, a pisa asina hopi, cu aunke e mes no a los e tiro fatal, toch a conden’e na 20 aña di castigo.
Fan a keda persisti cu e no tin nada di haber y a dicidi di apela e sentencia, algo cu ta hopi riesgoso. Y e resultado ta mustra esaki tambe. Tres Hues di Hof a yega na e conclusion cu tipo di casonan asina ta condenabel y mas ainda mirando e lasonan familiar.
Mirando e sentencianan cu nan a bin ta imponiendo pa tipo di casonan a dicidi di subi e castigo for di 20 pa 22 aña. Aunke cu PG su demanda tabata di 25 aña.
Ainda e acusado tin un chens pa bay Cassatie.
