Diadomingo, pa mas of menos 4:00 am, polis, hunto cu un grupo special tabata bezig ta haci un control di arma ilegal y tambe droga, den varios bario rond di Aruba, ora cu na altura di e basketball court den Village, na San Nicolas, nan a bin topa cu un hoben actuando den un forma sospechoso.
A dicidi di par’e y rist’e. Mirando cu e tabatin algun cos riba dje, a detene e hoben aki. A hinc’e den van di CEA y hib’e warda.
Tin di menciona cu varios caminda detencion a cay, sea cu pa motibo di droga of ta core rond sin rijbewijs. Polis ta hopi activo den e dianan aki mirando cu tin varios drive-by shooting tumando luga, manera entre otro Lekker Bar & Restaurant un rato prome, y algun dia pasa na San Nicolas mes unda cu hasta morto a cay. Ta pa e motibo aki mes, na un manera preventivo, manera cu mira un comportacion sospechoso, ta actua di biaha.
