Algo prome cu 5’or y mey di mainta, polis a wordo notifica cu tin un auto boca abou na Hooiberg. Na yegada di polis a bin haya berdad un auto mal benta den banda. E chauffeur mes tabata pafo di su auto y no tabata herida.
E chauffeur a splica polis cu e tabata biniendo riba un velocidad masha trankilo mes pero den un bahada e auto lo mester a haci straño y bay bolter bandi di un pal’i luz.
E chauffeur a sigui splica cu su auto ta basta abou (gelow) y pesey e ta kere cu e lo mester a touch vloer y bay laira. Polis a scucha su declaracion pero no a kere mucho. Na momento cu polis a bay wak den auto a bin haya handrem hisa.
Polis ta sospecha cu e hoben aki lo mester tabata bezig ta drift y perde control pa dj’ey bay pega band’i palo di luz. E palo di luz a haya sla toch y esaki a causa cu henter e bario a keda sin coriente mainta tempran.
