Riba un diamars anochi pa mas o menos 11’or di anochi a sosode un hit and run na altura di Pacifico Bar and Restaurant na San Nicolas.
E Nissan Murano A-24555 tawata biniendo direccion pariba (for di Macro Supermarket) y tawatin e intencion pa bira na man robes pa bay direccion Julio’s Bar. Un auto cu velocidad halto a sali dilanti e Nissan rancando e bumper y a sigui core. E auto cu a hit and run tawata un Nissan Sentra color licht blauw, segun testigonan.
E Sentra a ricibi basta daño matrial, pero a sigui core bay direccion Weg Fontein. Chauffeur di e Murano no a ricibi sla fuerte pero si tawata keha di su brasa. Despues di basta rato polis a yega na e sitio pa haci investigacionnan necesario.
