AIB BANK N.V. ta contento di por anuncia cu a logra conclui un transaccion pa financiamento di e prestigioso propiedad Hilton Aruba Caribbean Resort & Casino. A realisa e financiamento aki hunto cu ocho institucion financiero den e region di Caribe Hulandes pa un suma total di USD $171,4 miyon, lidera pa AIB BANK N.V.
E transaccion ta consisti di cambio den e financiamento existente y inclui fondo adicional pa construccion di un toren nobo cu ta consisti di 161 camber y tambe renobacion di diferente camber- y areanan existente.
Actualmente e propiedad tin tres toren di camber cu ta consisti di un total di 357 camber. Ora cu e construccion finalisa, premira pa aña 2025, e hotel lo consisti di cuater toren cu un total di 518 camber.
AIB BANK N.V. ta gradici Hilton Aruba Caribbean Resort & Casino pa e confiansa, selecta pa di dos biaha den e rol di Mandated Lead Arranger, financiado y agente.
