Hendrik Tevreden, Lider di fraccion MEP ta bisa cu ta hopi pregunta su fraccion a haci riba 7 di mei 2009 den un reunion publico ariba loke ta trata e helicopter. Fraccion di AVP tambe a haci hopi pregunta riba e dia aki, incluyendo Robert Candelaria, hunto cu Fraccion di POR.
“Pero awo nos a mira un persona cu desde maart 2019 no tabata parti mas di e grupo aki (SADI) ta den problema cu husticia, e cos aki ta bira noticia y ta purba haci cu ful e deal ta uno robes.”
Parlamentario Tevreden ta bisa cu tur e puntonan cu ta papia riba e deal aki ta registra den un MB (Ministeriele Beschikking) dus tur locual e caso a cana ta registra. E parlamentario ta kere cu esun cu a saca ful e polemica aki den un luz negativo, tabata Marisol Tromp, cu tabata lider di Fraccion di POR, representando mr. Andin Bikker, Otmar Oduber, y tambe den mas cu ocho comision.
Akinan tur pregunta a keda haci riba e mesun topico aki di helicopter, Tromp tabata presente den esaki pero awe ta saca den prensa comosifuera cu e no sa nada di kico ta pasando segun Tevreden.
