Den e dianan aki awa a cay y ta saca un tiki e calor. Diabierna mainta habitantenan di Kudawecha tabata disgusta p’e situacion ora awa yobe. Cada bes cu awa yobe nan ta topa cu e situacion fastioso di awa para na final di caminda. E caminda ta di tera y cu awa para ta crea lodo, cual ta un situacion fastioso.
E habitantenan ta cansa cu awa ta keda para y no tin un caminda p’e bay. Nan a tuma contacto cu tanto polis como DOW. E habitantenan a pidi DOW si tin posibilidad pa drecha e caminda. Trahadonan di DOW a cuminsa drecha e caminda. Nan a kita algun baranca y tera pa asina crea un pasada pa ora awa yobe. E habitantenan ta spera cu esaki lo yuda un tiki pa awa no keda para, pero nan ta prefera pa DOW asfalta e caminda.
