Big Mama a haya un carta dia 16 di juli y aki a informa nan pa stop di biaha cu huurmento di stoelnan na Baby Beach. A duna nan seis dia pa kita tur loke nan ta huur, esta stoel, parasol y tent. Pero si no haci esey den seis dia, lo kita tur cos pa nan. Big Mamma a bay corte pa asina busca nan derecho.
Propietario di Big Mama a papia cu nan abogado Benvinda de Sousa y a dicidi boluntariamente pa kita tur cos. Tambe den e carta ta poni cu nan tin 30 dia pa aregla percarionan, aunke cu tabata tin diferente topico. Desde 2013 gobierno tabata bezig cu beach policy pabou di brug, pasobra niun hotel no tabata tin precario vergunning. Esun di pariba di brug a keda warda riba recomendacion di DIP mes pa caba esun di pabou di brug prome.
Nan a bay corte pa pidi e precario y a haci uzo di un argumento cu e turistanan ta bay beach. Tin cu ta haci pedido adelanta y ta keda mas largo. Nan ta haci uzo di e facilidadnan cu Big Mama ta brinda, un luga cu tin 20 trahado.
