Si pasa riba e ruta di San Nicolas pa Playa, dilanti di e stacion di gasolin na Savaneta, por haya e edificio bandona di warda di polis. Un luga caminda cu miles di auto ta pasa pa dia, unda cu mester ta un ehempel di autoridad, awendia e ta simplemente un luga pa su cuenta y den ruina.
Habitantenan di Savaneta mes a menciona cu mando policial no por maneha un warda caminda cu ta hopi habita y ta prefera pa huur edificionan inecesariamente, siendo cu si inverti algun mil florin, por drecha e luga y sigui haci uzo di dje, manera antes.
E warda di polis tabata uno bon, pero cu awe a bira un reuina y no tin intencion ni plan cu ne.
E tin su baño, su oficina, su garashi, tur loke a resta ta un bon lessenaar cu ainda por uza si hacie limpi.
E luga ta uno lubida. Si mando policial mes no por handle un luga di e forma aki, ta con ta haci?
Por a mira cuanto biaha cu hende ta yama pasobra hende ta drenta den e edificio bandona y ta pidi polis pa saca nan. Y awo, nan mes tin un edificio bandona. Ta con e lo ta awo? Polis ta saca hende fo’i warda bandona? Aki por mira balor di propiedad di pueblo.
E luga por a bira un warda manera mester ta, na luga di huur un edificio inecesariamente.
Esey ta e situacion cu tin na Savaneta caminda cu tin un warda bandona, un mahos bista pa un area cu nan ta embeyeciendo. Mando policial ta laga nan edificio bira un ruina den curason di Savaneta. Y si no uz’e, bende of bash’e abao y no lage para caba na nada manera cu e ta awor aki.
