Jess Todtfeld, ex TV Host y un “Guinness Record Holder”, pa e cantidad di entrevistanan cu el a duna despues di retira di TV, a yega Aruba. E tin un entusiasmo grandi pa comparti cu participantenan di e E-Aruba Business Seminar su conocemento riba “Media Marketing”.
“Mi ta aki na Aruba pa splica boso con abo por haci miho uzo di media, tecnicanan cu kisas boso a yega di tende di nan pero no sa con pa implementa nan. No solamente esaki, pero hopi punto mas cu diasabra lo bini dilanti.”
Un di oradornan principal pa e-Aruba Seminar a yega Aruba
Posted by 24ora on Friday, June 7, 2019
No solamente e tabata un presentador na television, pero tambe el a ocupa funcionnan di productor, reportero y a impone un record ora cu el a bandona television y a bira e persona mas entrevista den 24 ora di tempo. E tabata un reto cu un amigo a pone p’e. “Abo ta e homber cu ta papia di media, haci algo grandi y bon awo cu bo ta saliendo di television. Esaki ta e reto cu mi kier pone pa otro hende: Hacie grandi, diferente y unico.” P’esey den su presentacion di diasabra, den Renaissance Convention Center, e lo demostra cu e hendenan tin hopi mas control riba media di loke nan ta pensa.
E mes a keda impresiona pa e oradornan cu a wordo invita pa e seminario di e aña’ki, di personanan cu a yega di traha cu Google, YouTube y McDonald’s, cu ta companianan masha grandi rond mundo. Hasta el a haya masha bon comentario di oradornan di añanan, kendenan a bis’e cu e mester acepta e invitador pa hiba palabra den e seminario aki pasobra e publico lo ta “awesome” y dinamico. E di cuatro edicion di E-Aruba Business Seminar ta tuma luga diasabra awo den Renaissance Convention Center Aruba. E edicion di e aña’ki ta enfoca riba “Social Media & Digital Marketing, Marketing Trends, Influencer & Video
