Campeonato Heineken fast pitch di Aruba Softball Bond dedica na baluartenan Jacobo Jansen y Gilbert “Nando” Maduro a continua riba veldnan na Pos Chiquito.
Den categoria A-klas fanaticada por a presencia un tremendo wega unda finalmente Blackhawks derota The Prodigies 10-8. Como equipo Blackhawks a bay di 32-10 pa un averahe 313 mientrads The Prodigies a bay di 36-14 pa un averahe di 389. 
Blackhawks ta anota 3 careda promer inning y The Prodigies ta reaciona cu 2. Den di 2 inning Blackhawks ta piki 4 pero den bom di dos The Prodigies ta reaciona cu 3 careda. Den bom di 5 inning The Prodigies ta empata e wega 8-8 pero den cabez di 7 inning Blackhawks ta rally pa 2 careda pa seya e Victoria. Boxscore final Blackhawks 10 careda, 10 hit, 2 error y ta laga 7 coredor na base. The Prodigies 8 careda, 14 hit, 4 error y ta laga 10 coredor den circulacion. Mihor bateadornan pa Blackhawks ta Tyrone Punselie 5-2 cu 2 rbi, Yerrick de Kort 4-2 cu 2 rbi, Clay Shipley 4-2 cu 2 rbi.
Pa The Prodigies a destaca na plato Albertico Croes 5-2 cu 2 rbi, Juan Carlos Geerman di 5-3, Edson den Boef 3-2 cu 2 rbi, Eusebio Kelly e motor di e organisacion a bay di 3-2 y Jendrick Roga di 4-2. Rodney Kelly ta habri pa Blackhawks ta bay 5 inning enfrentando 31 bateador, 44 bola, 57 strike bon pa 101 lansamento permitiendo 8 careda, 12 hit, 3 ponche y ta regala 3 base por bola lagando e wega 8-8 den bom di 5 inning. Clay Shipley ta drenta releva ta enfrenta 8 bateador y no ta permiti careda poniendo e victoria asina riba su nomber. Joshua Lucas a bay 6 inning y 1 tercio enfrentando 36 bateador lansando 102 bala ricibiendo 10 careda contra riba 10 hit y ta regala 5 base por bolay ta bay cas cu e derota. Weganan ta di dialuna pa diabierna tur dia. Fanaticada bin apoya Bo equipo prefer.
