Sin menciona ainda kico ta e reto di salud cu Minister Otmar Oduber ta sufriendo di dje, awe mainta Minister Presidente mr. Evelyn Wever-Croes (MEP) a confirma e noticia exclusivo di 24ora.com, di cu a interna Minister Oduber cu urgencia diasabra atardi. E tabata preparando un evento di TOB na Rum Reef Bar na San Nicolas ora el a bira malo. Den auto particular a hibe IMSan unda a trat’e y despues cu ambulance a hib’e Hospital.
Ey Poortarts na Spoed Eisende Hulp a trat’e y curuhano Dr. Tromp a duna ordo pa interna e mandatario riba piso # 4. Den fin di siman su casa a nenga cu e Minister tin “maagbloeding” manera tabatin rumor den fin di siman.
Prome Minister a sigura cu Minister Oduber ta recuperando satisfactoriamente y cu e lo mester algun dia mas den e proceso di recuperacion. Cuando dia mas Oduber lo permanece hospitalisa no ta conoci. Un cos si Premier Wever a bisa na final cu e ta spera e proceso bay lihe pasobra nan mester di Oduber den Conseho di Minister pa por sigui goberna y guia e pais aki den e direccion corecto.
