Diferente cos Camara di Comercio a trece dilanti durante e conferencia di prensa. Randall Croes como economista mes a cuestiona basta cos mirando e anuncio di Minister Glenbert Croes pa aumenta den forma drastico e salario minimo. Dicon mester a paga pa hopi tempo awa y coriente mas caro pa loke e prijs di mercado di petroleo ta? Comerciante, tampoco e poblacion no a participa den e decision di hedging, pero nos tur a paga p’e for di nos cartera. Tur fin di luna, un gasto di awa y coriente mas halto. Ban purba evita cu decisionnan di sector publico ta mishi di esnan mas chikito y tur empresa hunto cun’e.
Ban wak si ta publico ta purba di wak mas kico por reduci e gasto di hende su costo di bida. Cada mueble cu un minimum loon por cumpra, tin 22% di impuesto di importacion den dje. Cada auto segunda mano cu e cumpra tin 20, 30 y hasta 50% di impuesto riba e auto. Dicon e impuestonan ta asina halto na Aruba.
Mas cu Corsou y Merca
E pais aki tin mas ambtenaar pa cabes, pa averahe, cu Merca, cu tin ehercito, CIA, embahada rond mundo. Nos tin mas ambtenaar cu Corsoui cu ta dos biaha mas grandi cu nos y 40 mil hende mas cu nos. Nos tin 1500 ambtenaar mas. E costo di sector publico ta un cos cu mester pone atencion, pasobra nos tur ta paga pe. Hulanda no ta subsidiando nos costo di sector publico. Of ta fia placa pa paga pe, of e pueblo ta paga. Entre BBO, Invoerrechten, ta tur nos ta paga.
KvK ta recomenda pa sinta cu tur esnan cu tin bon conocemento di sector economico, tumando na cuenta cu Citgo a duna mal noticia. Tin mas desempleado. No ta momento pa hisa gastonan como empresanan. Ta momento cu por ta nan tin cu duna un auxilio pa emplea e mayor empleadonan posibel y eynan, ta placa cu tin disponibel cu tin cu parti entre mas trahado, si tin cu absorbe nan den nos economia.
Gobierno no tin caminda pa tuma nan na trabao tampoco. Tin compromiso cu CAFT pa no hisa gasto. Sector priva, cu su creatividad, tin cu haci su best pa emplea esunnan cu ta bin. Asina ta cu no ta momento pa algun di e decisionnan aki.
KvK ta dispuesto pa scucha y contribui gratuitamente.
