E aña aki a wak e regreso di Arubadag, despues di casi cinco aña debi na pandemia di Coronavirus y por a wak diferente mandatario presente n’e celebracion aki. Minister Glenbert Croes, di Labor y Integracion, tambe tabata t’ey presente c’un Job Fair durante e celebracion di Arubadag.
El a indica cu e concepto Arubadag a conoce un cambio, unda cu e lo bira, ademas di un celebracion cultural, tambe un job fair, pa stimula e studiantenan, e comunidad Rubiano pa tin un oportunidad di un futuro carera na Aruba.
Como minister di Labor, Integracion y Energia e ta sumamente interesa pa di manera pro activo motivoa e studiantenan y yiunan di tera, pa bay bek Aruba. Tabatin diferente stand di e diferente instancianan manera Ministerio di Labor, DPL pa participa n’e Arubadag, unda cu a motiva e hobennan pa bin bek cas.
Gobierno ta bay e ‘extra mile’ pa motiva, den e concepto nobo di Arubadag, pa haya e studiantenan pa bay bek Aruba. E esencia di e aña aki ta pa motiva e studiantenan pa bay Aruba bek. Si e mandatario ta na altura di e retonan cu esaki ta trece cu ne.
Hopi di e hobennan ta preocupa si nan por bay haya un trabou den loke nan a studia p’e y tambe e salario cu kisas cu Europa/Hulanda ta brinda nan. Pero tambe si nan ta bay haya cas pagabel, cu ta un reto grandi na Aruba tambe. Hopi di e studiantenan ta sinti cu nan mester un incentivo pa bay Aruba bek. Y Gobierno ta motiva nan pa bay bek cas.
Minister di Labor pero tambe di Finansa ta na Hulanda pa purba gara e atencion di e studiantenan, den mente y spirito, den pensamento, pa nan bay bek Aruba.
Aki dos luna lo tin un otro job fair, unda cu Gobierno di Aruba lo ta presente un biaha mas, ya cu nan ta activamente bezig pa e yiunan di tera bay cas bek y ta spera cu por logra.
E website di Kabinet di Minister Plenipotenciario hunto cu DPL y otro sectornan na Aruba, ta bay ta hopi mas interactivo, pa por logra un buskeda eficaz di empleo, pa e yiunan di tera na Hulanda, cu nan por bay Aruba bek cu e siguransa di un trabou.
