Manera cu Gerrit Schotte a anuncia durante di su ultimo conferencia di prensa, diaranson, 5 di December, pa 9’or di mainta, el a presenta na prizon Bon Futuro (SDKK) na Koraal Specht, esaki segun Paradijs FM.
Hunto cu su partner Cicely van der Dijs y un grupo di simpatisante, entre otro su colega di partido Charles Cooper, el a aparece dilanti di entrada di e prizon.
E despedida na e prizon tabata emocional, sigur pa Schotte mes y van der Dijs. E multitud cu a compañe tabata dun’e palabranan di forsa y a bise cu nan ta cun’e.
Mientras tanto una bez paden di e cura di prizon, prezonan tabata kibra “Libertad”. Tanto media, como e multitud a keda te na ultimo, ora el a pasa paden, pa asina e bay cumpli cu su castigo.
Riba imagennan di video, via pagina di Yves Cooper, pueblo di Corsou y tambe Aruba por a mira e momentonan emocional di Schotte, cu e no tabata tin palabra pa expresa su mes e momento ey.
