Gerlien Croes, parlamentario independiente a mustra su preocupacion den cuadro cu tratamento di ley di codigo di procedemento legal dialuna mainta anto tabata e unico parlamentario presente cu a vota contra e ley aki. “Na final di dia, nos ta akinan pa para pa comunidad, pa pueblo y specificamente pa derechonan di detenidonan na Aruba”, segun Croes. Tabata tin varios cambio proponi cu tin mester drenta na vigor cu urgencia den e ley aki. Pero un cambio ta pidi un uitstel di un aplicacion riba un articulo den e cambio di ley.
Diesseis parlamentario a vota pro, uno a abstene anto otro a vota contra e ley aki dialuna mainta. E parlamentarionan a vota y sostene un ley cu awor akinan un detenido por keda den un cel te cu binti dia. E situacion ta cu normalmente pa motibo di capacidad di detencion ya caba tin detenido cu ta keda extra na cel di Polis cual no mag, pero abogado por exigi a base di ley na hues comisario y haci peticion na fiscal pa duna e persona oportunidad di bay KIA y ta mas trankil, pa nan por haya bishita, yamada, etc.
“Imagina bo, den un situacion di cel di polis pa binti dia largo aworaki cu e ley manera el a pasa. Mentalmente, pa e detenido esaki ta inaceptabel y ta contra tur ley di derecho humano internacionalmente”, segun Croes.
Por lesa mas riba TREMPAN.COM.
