Un delegacion comercial di Aruba a bay Colombia pa atende diferente encuentro. Entre nan ta e presidente di Camara di Comercio (KvK) y e ta mira cu e trabounan na Colombia no a caba.
Gavril Mansur, presidente di Camara di Comercio, a splica cu e reunionnan a bay bon, sin lubida cu e organisacion ta bayendo bon. Camara di Comercio a bay cu bon expectativa y nan a crece na luga di bira menos. Aworaki e presidente di Camara di Comercio mes ta hopi positivo.
E ‘bottle’ neknan cu tabata stroba un tiki durante e añanan anterior, segun Mansur, e ta haya cu esey ta un tiki misterio. E ta di pensamento cu e tin di haber cu Aruba den cierto cos. Aruba tabata importa carni di Colombia, pero despues Aruba a stop di haci esey.
P’e banda di Colombia, Mansur no tabata sigur. El a sigui splica cu e burocracia ta hunga un rol, pero tur e reunionnan teni ta mustra cu e infrastructura t’ey, e boluntad t’ey. Nan ta positivo cu nan por logra algo.
E mision a termina diabierna, pero pa loke ta trata e trabou mes, esey no ta caba. Camara di Comercio ta regresa Aruba, unda nan lo sinta na mesa cu hopi otro organisacion, gobierno, spera cu e gremionan. Nan tambe kier mira e oportunidad pa sinta cu tur importado di Aruba. El a sigui indica cu na dado momento, Aruba ta keda chikito, tin cu cera cabes y wak con ta haci cos cu ta beneficio p’e isla completo. E trabou no ta stop.
