Departamento di Obra Publico ta informa riba e proyecto di RWA na Palm Beach. E weekend aki e contratista lo cuminsa mobilisa y den siman di 29 di mei pa 2 di juni 2023 lo cuminsa instala e tuberia y e putnan corespondiente di e construccion pa asina mehora e sistema di drenahe di awa di yobida na altura di Citgo Palm Beach.
Despues di instala e tuberia y putnan lo bay over na kita e baricadanan banda di Local Store.
Na comienso di juni clientenan lo por yega mas cerca di Citgo Palm Beach y na e otro establecimentonan tambe via e caminda principal di Palm Beach for di pabao. E contratista lo traha riba e duiker pa amplia e capacidad di drenahe di e area di Palm Beach cu un pasada mas.
Durante e periodo cu nan ta trahando riba e duiker, e caminda despues di entrada di Citgo Palm Beach te cu crusada na altura di CMB lo keda cera.
Despues cu e trabounan di e duiker finalisa, lo continua cu e ultimo parti di e proyecto unda lo frees y recap e caminda, cual lo tin un duracion di 2 dia pa frees y 2 dia pa recap. Ta premira cu pa final di juni 2023 lo por finalisa e trabounan menciona.
En conexion cu esaki Departamento di Obra Publico ta haci un peticion na tur peaton y chauffeur di auto pa tene cuenta cu e trabounan cu ta tumando luga, pa cual nos ta pidi tur automobilista, hotel, negoshinan y otro usuarionan comprencion y disculpa pa e inconveniencia cu e trabou nan por a ocasiona.
DOW ta spera di a informa comunidad di Aruba debidamente riba e ultimo desaroyonan di e proyecto di RWA Palm Beach
