E prijs di Gasolin y Diesel ta bolbe conoce un cambio di prijs diaranson. Un cambio no na fabor di e pueblo.
Un subida di prijs ta loke ta spera diaranson. E Diesel y e Gasolin lo aumenta entre shete cu diez cen pa liter. Gran parti di e prijs di Gasolin cu Diesel ta destina pa gobierno na accijns. E accijns riba prijs di Gasolin cu Diesel ta hopi halto. Gobierno ta come un gran parti y e ganashi mes di e pompnan ta poco.
Ademas di accijns, gobierno ta come dos schakel riba e prijs di gasolin. E BBO di 7% di FMSA pa e tanki di Citgo su pomp y djey otro 7% di e pomp pa tanki di bo vehiculo. Apart di Accijns halto gobierno ta gana otro 14% riba e prijs di benta.
Finalmente di e prijs total di loke pomp ta bende, un porcentahe halto ta straight pa caha di gobierno. Pueblo por spaar un tiki door di tank te cu diamars anochi prome cu 12or di marduga.
