Garage Centraal a introduci un auto totalmente nobo di Hyundai, den forma di e KONA electric. E ta un auto 100 por ciento electrico, powered pa un bateria di 39.6 KW. E tin un Permanent Magnet Engine, cu por duna un range di riba 300km manera indica pa e fabricante.
Rodney Kock, gerente di mercadeo, a splica cu na Aruba ta ripara cu e stand actual pa kilometer por ta mas, ya cu Aruba ta relativamente plat. Esey ta haci cu e range cu cliente lo haya lo ta mas loke cu Garage Centraal ta ser indica for di Hyundai, cual ta 30km. Pa loke ta performance, e auto ta duna un aceleracion di 0 pa 100, den menos di 9.9 sec.
Hyundai KONA a drenta den e range di Hyundai version gasolin na 2018 y despues el a cuminsa su transicion pa ful electrico. E ta subcompacto, paden ta super comodo y super amplio. E ta duna tur beneficio y nivel avansa di e featurenan desea. Un ehempel, e media center ta un touch screen, cla cu bluetooth, Apple Car Play cu Android Auto. Es decir, tin conectividad total. Locual cu tin tambe ta un wireless charger pa bo telefon. E ta ofrece otro beneficionan manera un digital cluster, y hasta Heads-up display.
Si e cliente kier sa dje parti di siguridad, e tin ful complementary airbags na e banda di chauffeur, cortina, seatbased airbags. E ta un auto completamente sigur. Body di e auto ta extremadamente solido, cual ta make sense, ya cu Hyundai tin su mesun fabrica di hero cu ta hacie totalmente diferente di e otro fabricantenan.
TIN HOPI INTERES PA E POSIBILIDAD DI CHARGE
Si charge e auto na e fastcharging station manera esun di Elmar NV na Hato, por charge e auto den mas o menos 57 minuut. Por cumpra un wall charger pa tin na cas, cu ta uza 220V. Depende e power di e charger, e por dura cuater ora di charge, for di 0 pa 100. Of den seis ora. Naturalmente, si ta papiando di un range di 300 km, den hopi caso no ta yega e necesidad di uza tur e carga. Incluso, si e cliente no tin ningun di e posibilidadnan aki, por djis plug e na e muraya di cas y e ta carga. Naturalmente e ta bay carga mas slow.
Naturalmente carga for di 0 no ta sosode frecuentemente. Cu un rango di 300 km, mayoria hende no ta bay core e distancia aki den un dia. Esaki ta haci cu por yega pone e auto charge, den un rato ta hay’e carga. Por hasta charge e auto na un plug di 110V, cual dimes lo haci cu e lo charge un poco mas largo.
Hopi importante, Rodney a sigui bisa ta e costo pa locual ta nifica core un Kona Electric. E ta indica cu basicamente si tuma un auto di size similar di gasolin, locual cu lo ser gasta na gasolin pa luna, tin posibilidad pa uza mita di e placa ey pa luna na coriente cu e Kona. Dus ta spaar 50%.
SERVICIO
Adicionalmente, e service ta mas practico. No mester cambia azeta of serie di likido, ya cu e ta un Permanent Magnet Engine. Su mantencion tambe ta mas simpel y mas economico. Tambe tin garantia riba bateria, y naturalmente e respaldo di servicio solido di Garage Centraal. Nan tecniconan ta cualifica y nan ta getrain pa tratamento di un KONA.
E cliente por ta sigur cu nan momento cu e auto sali riba caminda, tin un respaldo di Garage Centraal.
