E siman aki a sali un carta pa miembronan di personal di Fundacion Respaldo den cual ta notifica nan di un cambio den e structura di maneho. Firma pa director medico, dr. Hendrikus van Gaalen, e carta ta indica cu e Hunta di Supervision a informa director financiero, Lex de Jong, cu ta bay termina su relacion di trabou. A pidi de Jong pa tuma su dianan di vakantie moda cu e no mester presenta na trabou mas.
E stap aki ta uno notabel si ta tene na cuenta e dificultad financiero door di cual e fundacion ta pasando, recortenan cu AZV ta pidiendo pa haci den e presupuesto y con esey nan ta obligando Respaldo pa adapta drasticamente e servicio cu nan ta ofrece.
Tareanan cu tabata cay bou di e director financiero, awo ta bay cay temporalmente bou encargo di e propio director cu asistencia di miembronan di e Management. Mas aleu e carta no ta duna detaye argumentando cu no ta na su luga en conexion cu e trayecto cu lo mester bay cana ainda pa yega na un retiro amicabel cu de Jong.
Pa e relato completo, lesa TREMPAN
