Debi na e interes y peticionnan Fundacion CINEARUBA lo organisa un tayer practico di DJ tanto pa mucha, hoben y adulto riba Diasabra 28 di September.
Grupo 1 lo ta muchanan y hobennan di 8 pa 17 aña di cual e orario lo ta di 5’or pa 7’or di atardi. Grupo 2 lo ta 18 aña bay ariba di cual e orario lo ta di 7’or pa 9’or di anochi. Durante e dos ora di tayer e participante lo siña con pa mix canticanan y tambe con pa busca e miho canticanan pa mix na un fiesta of evento. E tayernan lo wordo duna pa DJ Adriano Nanof di Brazil conoci pa toca na clubnan nocturno di Brazil.
E tayer ta pa personanan di tur edad cu of sin experiencia. Den un ambiente inspirativo lo guia tur participante cu practicanan riba e controller y e mixer. Ademas e tayer lo introduci na e participantenan e basics di DJing. Un tayer perfecto pa aspirante DJ’s cu kier toca na fiestanan, eventonan of just toca na cas. Luga di e tayer di DJ ta na Ateliers ’89 situa na Dominicanessenstraat 34, ex-Mao, net den skina na e otro banda di Maria College Mavo na Playa. Pa mas informacion y pa registra por Whatsapp of yama na 560-4804 of por email na [email protected] of por presenta dia di e tayer na Ateliers ’89.
