Dia internacional di derechonan di mucha. 20 di November 1959, ta e fecha unda mundo ta conmemora e adopcion di e Declaracion Universal di e Derechonan di Mucha. Riba e mesun fecha aki na aña 1989, e Tratado di Derecho di Mucha a wordo aproba.
E meta di tur esaki ta pa proteha tur mucha na mundo. E tratado ta inlcui derechonan cu ta enfoca riba e derecho riba aspectonan di salud, bida familiar, enseñansa, y proteccion contra violencia.
Fundacion Centro Famia Piedra Plat ta traha ariba un base comunitario, educativo y social dirigi specialmente pa mucha. Nos ta draai 3 proyecto henter aña escolar.
CEC: “Centro di Educacion Creativo” un after school program pa hobennan di voortgezet onderwijs y bassisschool. Nos ta asisti hobennan den nan desaroyo escolar entre otro duna huiswerkbegeleiding.
Oansa: Un Club pa mucha cu e edad di 3 t/c 13 aña. E actividad ta tur diabiena atardi, cu un base di norma y balornan cristian.
Cas di Musica: Nos muziek school ta accepta alumnonan for di edad di 6 aña bai ariba. Instrumentnan musical ta: Piano, Guitara, Cuarta, Baho, Drum y Canto.
Semanalmente nos tin un averahe di 160 mucha y 20 boluntario cu ta hasi uzo di nos programanan y facilidadnan na nos Centro, cu ta situa na Piedra Plat # 50
Nos Fundacion ta habri pa tur mucha sin distinccion, nos ta un entidad cu ta asisti mucha y hobennan den nan formacion y desaroyo. Fundacion Centro Famia Piedra Plat ta felicita tur mucha riba nan dia y nos ta para tras di e tratado di derechonan di mucha.
