Diabierna ultimo e prome grupo di funcionarionan di Departamento di Aduana, di Seccionan
di Aeropuerto y Seccion Waf, cu ta traha principalmente cu biaheronan a ricibi nan certificado
di Mi Compromiso cu Aruba.
Pa algun lunas caba Departamento di Aduana tabata den conversacion cu diferente
stakeholders pa asina mehora e comunicación y servicio pa y cu biaheronan.
E necesidad pa e training aki a surgi mirando cu nos pasaheronan cada biaha ta birando mas
exigente y nos funcionarionan por hasi bon uso di “tools” cu por juda nos funcionarionan di
Aduana eherce nan trabounan den un forma mas eficiente y servicial sin kita e meta cu
Aduana tin di cumpli cu ne. Durante e training nos funcionarionan a siña tacticanan con pa
bai “the extra mile” na momento cu ta hectisch y tin situacionan cu tin di haber cu stress.
Un palabra di pabien ta bai na tur Aduanero cu a asisti e training aki pa participa activamente
y duna di nan parti pa sigui desaroya nan mes y di e forma aki tambe duna nan aporte pa juda
desaroya e servicio di nos organisacion y “activamente ancra Nos Compromiso cu Aruba”.
