St. Rosa College a ricibi bishita di Minister di Enseñansa, Michelle Hooyboer-Winklaar unda cu el a mira con e scol a keda pasobra 3 aña pasa el a mira e scol den un otro estado. Awor Hooyboer-Winklaar a ripara cu e scol fisicamente ta hopi bunita, mientras di otro manda tanto e maestronan como alumnonan ta masha contento di a ricibi un scol tremendo.
E mainta a cuminsa cu muchanan a reuni riba speelplaats pa asina saluda Minister di Enseñansa. Aki nan a canta e himno di scol, unda cu Minister Hooyboer-Winklaar y juffrouw Lai-Ping a hiba palabra. Un di e alumnonan a duna un speech, unda den nomber di tur a gradici e mandatario pa loke el a haci pa nan. E alumno a menciona diferente punto cu tabata importante pa nan tur cu awo nan scol ta renoba.
Cabesante di e scol, juffrouw Lai-Ping Carti-Cheong, a gradici Minister Hooyboer-Winklaar pe trabou tremendo cu el a haci pa nan. 3 aña pasa e Minister a bishita e Scol y a tuma e decision pa saca nan for di e edificio mirando e situacion pendiente di fondo. El a percura pa nos haya un scol tremendo. Tambe a desea e muchanan y nan mayornan 1 aña nobo, un escolar exitoso y hopi fructifero.
