Diahuebs, 7 di Juni, supuestamente e barconan cu tin ok pa drenta Aruba, mester a bin cu fruta, berdura y pisca. Esaki ta un anuncio cu gobierno di Aruba a haci den un conferencia di prensa. Tambe e prome minister a manda e anuncio aki den un comunicado.
Den un voicenote, minister Otmar Oduber tambe a bisa esaki y tambe Minister Xiomara Ruiz-Maduro a anuncia esaki den conferencia di prensa.
Pero na waf no tabata ningun barco a bin for di Venezuela. Berdad gobierno a anuncia y tambe hefe di douane a bisa cu nan ta prepara pa entrante 7 di Juni nan cuminsa ricibi e barconan. Pero e pier tabata bashi di barco.
A busca informacion cerca diferente persona cu lo ta respondsabel pa handle esaki, nan a notifica cu nan no ta sperando ningun barco diahuebs, manera cu a anuncia cu e frontera a habri. Ainda mester tin algun motibo pakico e barconan no a sali for di Venezuela pa bin Aruba, mientras cu ya caba ta sperando e momento pa e fruta y e berdura yega nos isla. Pero, waf ta bashi, aunke e gate ta habri. Ta spera entrante diabierna, dia 8 of dialuna 11 di Juni nan lo tin e prome barconan for di Venezuela cu pisca, fruta y berdura, exclusivamente. Esey ta loke nan por trece, nada mas.
Si nan bin cu otro mercancia cu no ta oficial registra, nan lo no por baha cu nan y nan lo wordo manda bek cu e mercancia. Pa loke ta e barconan di Venezuela, barconan tin algun luna caba barconan no ta yega Aruba. Frontera a habri segun gobierno a anuncia y awor aki ta cuestion di keda pendiente pa mira si berdad mañan lo tin barco.
