Francia a topa Dinamarca den un wega pa mira kende lo pasa na prome luga. Ambos ekipo desde un principio a subi tereno cu e meta pa gana, pero na final a termina empata na 0-0. Esaki a pone cu Francia a sali number 1 di grupo C y Dinamarca number 2.
Francia a domina e wega unda cu nan tabatin e posicion di bala un 62%, mientras Dinamarca tabatin 38% di posicion di bala. Dinamarca a tira 5 biaha riba gol di cual 1 biaha tabata riba e target y Francia 11 biaha y 4 biaha riba e target. E wega a continua fuerte, unda cu Dinamarca a haya 4 biaha tiro di skina y Francia 2 biaha. Referee a vlag offside 1 biaha pa ambos ekipo. E hungado Mathias Jorgensen di Dinamarca a ricibi un carchi geel na 45+3 minuut di wega.
Ambos ekipo ta en espera di nan contrincante cu lo bin di grupo D. Francia lo hunga diasabra dia 30 di juni pa 10’or di mainta, mientras Dinamarca lo hunga diadomingo di 1 di juli pa 2’or di merdia.
Foto: FIFA©
