Awe den cuadro di celebracion di Dia di Rey FootFit Birkenstock situa na L.G. Smith Boulevard 106 tin descuento di mainta te cu 6:00 pm. Pasa pa bo mes pa mira e diferente sapatonan cu por haya aki pa henter famia. Probecha di descuento di 10% te cu 40% riba e marcanan Aerosoles, Hush Puppies, Solidus, Finn Comfort y Mr Jones, entre otro. Ivone Simon, propietario di FootFit Birkenstock, a conta cu un biaha mas ta celebra Dia di Rey cu un coleccion grandi riba di sapato comfortabel riba descuento.
Simone a splica cu tin un variedad amplio di sapato clasico manera Birkenstock te cu sapato mas deportivo y hasta elegante, pa tanto e cabayeronan como tambe e damanan. Pues, un variedad pa tur ocasion di dia.
Tambe el a splica cu nan ta enfoca semper riba calidad superior, pues ta pa es motibo ta trece e marcanan Europeo brindando pueblo henter comodidad na nan pia pa 23 aña largo caba. Mas aleu el a bisa cu ta garantisa cu si cumpra un dje sapatonan aki, bo lo ta bistiendo un sapato cu ta cuida bo pia. Tambe e sapatonan special pa persona cu ta padece di diabetes tin descuento, pues nan liña special di Solidus tin no menos cu 20% riba henter e coleccion.
