Despues di su reunion general di miembrecia riba diahuebs 24 di maart 2022 unda a elegi e hunta di directive di Aruba Trade and Instustry Association (ATIA), durante prome encuentro di e hunta di directiva nobo a scoge e hunta di directiva diario esta e “Daily Board” pa 2022-2023.
Mester indica cu e “Daily Board” ta forma pa e siguiente posicion: presidente, vice-presidente, tesorero, y Secretario. E hunta a re-elegi Frank Snijders y Gina Habibe como presidente y vice-presidente respectivamente. E otro posicionan elegi ta: Tristan Every – Tesorero, Enrique “Tito” de Cuba–Secretario. Tambe a elegi e reemplasante nan di e tesorero y secretario kenda nan ta Sr. Andrew Harms y Mathijs Bijen respectivamente.
Director di ATIA ta sumamente contento cu e “Daily Board” cu lo dune guia den aña 2022, sigur un aña yen di reto, entre otro e reformanan indica den e “Landspakket” cu tin efecto directo y indirecto riba comercio y economia di Aruba.
Banda di e retonan ATIA lo organisa diferente evento nan pa miembro y pa publico. Algun di e eventonan pa aña 2022 ta diferente business mixers, un “Leadership Conference” y varios workshops. ATIA ta suplica pa sigui nan riba nan rednan social pa tur informacion.
Riba 25 di april ATIA a organisa un zoom workshop exclusivamente pa su miembro nan hunto cu Holland House Bogota, unda a duna informacion y asina habri portanan pa comerciantenan Arubiano traha cu empresanan na Colombia of expande nan mes empresanan den mercado Colombiano.
