Persofficier mr. Patrick van der Biezen pafo di Corte a elabora mas di loke tabata e castigonan pidi door di Ministerio Publico den caso Avestruz. Pero a duna un splicacion tambe di kico contenido di e caso aki tabata. El a cuminsa pa splica cu tur esunnan hiba dilanti mesa berde ta pasobra nan ta sospechoso di a comete un echo castigabel.
“No t’asina cu nan a wordo persigui pasobra ta hunga wega politico. Y tampoco pasobra tin influencia politico den Ministerio Publico. Esaki absolutamente no ta berdad. Nan ta dilanti hues pasobra Landsrecherche a haci un investigacion. A base di esey a yega na un dossier.
Pa un hende aki na Aruba haya un tereno, ta un caminda hopi largo, Fiscal mr. Patrick van der Biezen a splica. Pero un grupito chikito, cu tabata rond di e mandatario, tabata haci peticion pa tereno na bon localidadnan y tabata haya esaki den forma rapido. Pero ora cu haya e derecho di opcion, ta bende nan compania cu e tereno.
Pa esaki a pidi cinco aña di prizon, un boet di mas o menos un miyon florin y cu e no por participa den politica pa 10 aña y tampoco ocupa un funcion publico den e periodo ey. Pa lesa mas subi TREMPAN.
