Polis tambe tabatin su Black Friday y cu bastante actividad riba caya. Despues di un evento na Sand Bar diasabra marduga, K9 reforsa pa polis di Noord y Playa a presenta pa asina mantene ordo.
Sinembargo, por a tuma nota di algun grupo cu a dicidi di bay South Beach na momento cu e luga a cera y a pesar cu tabatin polis den cercania tabatin halament’i conopi. Tabatin papia di hincamento, pero no por bisa esey cu siguridad.
Polis a presenta cu man duro n’e sitio y a duna ordo pa tur hende bay cas.
