Fast Delivery a haya scanner super moderno

Den combersacion Jaymir Janga, hefe di Mercadeo Fast Delivery Services II, el a anuncia ekipo moderno cu e empresa a adkiri pa sigui mehora e servicio cu ta brinda na clientenan local y internacional.

“Nos ta hopi orguyoso di tin e cargo scanner aki cu a wordo certifica door di e compania Mericano Pemica y nos empleadonan cu ta bay traha cu e mashin sofistica aki tambe a haya nan certificacion,” Janga a splica.

Fast Delivery a haya scanner super moderno

Fast Delivery a haya scanner super moderno. Click link pa mas https://24ora.tv/31iKR0q

Posted by 24ora on Tuesday, October 15, 2019

El a splica cu e certificacion tabata importante ya cu di e forma aki e compania por scan carga di otro aerolineanan tambe. E cargo scanner tabata hopi importante pa un funcionamento mas eficiente. Asina por ehempel el a menciona cu carganan cu yega Aruba, e miembronan di Duana mester pasa den tur e materialnan aki. Pero awo cu e scanner e ta bay bira mas eficiente ya cu por procesa hopi mas caha den un tempo mas cortico. Na momento cu e carga ta pasa den e scanner, e ta pasa den e scanner y e miembro di Duana sinta tras di su computer ta haci e control di biaha pa arma, droga of cualkier otro ilegalidad.

Pues cu e mashin aki ta bay reduci e tempo di control y tur hende ta bay haya nan carga den un tempo relativamente lihe. E mashin aki a hay’e algun tempo pasa caba pero mester a finalisa cu e proceso di certificacion pa por brinda un servicio mucho mas amplio. E siman aki e lo bay den funcion como e prome den e seccion di carga di aeropuerto. Fast Delivery ta den combersacion cu diferente compania y aerolinea pa haci uzo di servicio di e scanner aki.