Tabata alrededor di 9:20 pm cu a sosode un accidente rib’e camind’i Montaña, entre un auto marca Toyota modelo Vitz y un pickup color blanco marca KIA.
Na prome instante, informacion tabata un poco confuso, pero despues a resulta cu e pickup tabata biniendo for di Sero Janchi y no a duna preferencia na e Vitz. Daño material tabata bastante.
E chauffeur di e Vitz a resulta herida, e tabata keha di basta dolor na pecho y na pia. Na final ambulance a transport’e pa hospital caminda e lo ricibi atencion medico avansa.
