Fundacion Anti Droga Aruba (FADA) ta bin cu su di tres edicion di Learnovate. Cindy Lacle y Rulienne Arends, trahadonan preventivo di e fundacion ta e anfitrionnan di e programa, caminda cu nan a bin cu varios invitado. Learnovate ta un programa unda enfoke ta special pa educa, informa hoben-, mayor-, docentenan y comunidad completo riba diferente topico y tema cu tin di haber cu adiccion y salud mental.
Den nan edicion anterior nan tabatin un programa hopi exitoso cu tabata ‘Videogaming’. Esaki ta un ‘hot topic’ den e ultimo lunanan aki. Pero sigur unda cu a brinda hopi informacion na mayornan y comunidad completo.
Den e programa aki e temanan presenta ta tiki diferente. Ta topiconan cu ta evita pa papia di dje. Hopi hende ta considera e topiconan como taboo y miedo di acerca of papia riba esaki. Ta un topico cu ta rekeri hopi informacion, cu tin un urgencia y atencion caminda cu ta pensa hundo, papiando y dialogando informando pueblo y comunidad riba e topico aki. Durante Learnovate lo ta elaborando riba e topico di ‘Salud Mental’, unda cu no solamente lo papia di salud mental, sino tambe di diferente trastorno, manera psicosis, szichofrenia y depresion.
