Minister di Labor, Glembert Croes a haci un expresion relaciona cu un asunto di DPL, cuestionando hendenan cu ta liga den partido di oposicion, cuestionando e trabaonan cu ta tumando luga. SEPPA ta preocupa, mirando cu tin miembro trahando eyden.
Magali Brito, secretario general di sindicato, a splica cu un grupo grandi a acerca nan, despues di a scucha e declaracion di e minister encarga cu e departamento aki y na unda cu den e conferencia di prensa aki, e expresionnan ta cay cu ainda tin cosnan cu ta sosode den direccion di loke ainda por tin fraude y tin gruponan cu ta liga cu e gobierno anterior of e minister anterior of hendenan cu e tempo ey nan tambe lo tabata den. Un expresion cu a cay den hopi mal tera cerca e trahadonan. E trahadonan rapidamente a pidi SEPPA pa reacciona na e minister riba esaki, cual a haci. A dirigi un carta.
A mustr’e riba e preocupacion di e trahadonan y e pakico. Di un otro banda tambe a bis’e cu si ta asina mes cu tin cosnan robes cu ta andando, si e ta considera cu esakinan ta fraudulento, e tin camindanan pa cana, esta entrega keho.
Di un otro banda, si ta cosnan cu ta erornan cu ta tuma luga eyden cu e ta sinti cu no ta corecto, ta bon pa e por acerca e departamento di recurso humano cu por cana e caminda di procesonan di medidanan disciplinario. Pero no tira expresionnan asina den laira lagando tur hende den miras di nos comunidad. Mirasnan negativo naturalmente. Netamente e departamento aki ta wordo mira basta negativo, mirando locual cu ta andando cu e minister anterior. Pesey e trahadonan a sinti nan mes hopi ofendi. El a indica na SEPPA cu e lo coregi pasobra no tabata su intension den ningun momento. Al contrario. E ta para riba si cu tin cosnan ta sosodiendo y na e momentonan aki e ta investigando. E sindicato a laga sa cu esey ta bon, pasobra esnan cu ta comete cosnan cu no ta corecto mester carga e consecuencianan. Pero ta desea a esaki sosode hopi lihe pa motibo cu esaki no ta un ambiente pa sigui traha aden.
SEPPA tabata tin un reunion cun’e tambe diaranson ultimo riba e tema aki. El a bolbe indica cu e tin un investigacion andando y e ta acerca instancianan mas halto riba esaki. E ta atendiendo su diferencianan di opinion cu e lo por tin cu e management team y cu por cierto a bis’e cu e mes a nombra esaki y awor aki e mes ta kita atrobe e autoridad, cual ta un mal señal, cu tin algo ta pasando. Tambe a pidi claridad pa loke ta e maneho cu ta hibando. A tende cu tin un maneho nobo entrante 1 di Juli, un rato e ta papia di 1 di April 2018. Pero e maneho aki no ta conoci ni a wordo publica. E ora eynan a base di kico lo ta acusando e tahadonan. Eseynan ta e puntonan cu kier claridad riba dje. SEPPA ta insisti riba dje y ta spera cu pronto e lo por dun’e pa tin paz y trankilidad tambe bao di e trahadonan. E ambiente, manera cu el a wordo crea na e momento aki, no ta esun di mas corecto.
