E tema di e aña escolar aki di e proyecto “Maria gaat op reis” di Maria College Mavo ta “Back to the Future”. E proyecto aki ta tuma luga anualmente y ta parti di e plan di desaroyo di Maria College MAVO pa desaroya habilidadnan den su studiantenan.
E meta di e proyecto ta pa pone un conexion entre locual e alumnonan ta siña den klas cu e mundo actual pa asina entre otro haya mas sentido den siñamento di un materia. Cu e proyecto aki studiantenan ta haci uso di nan creatividad, expande nan conocemento general, ta wordo stimula pa pensa mas critico, ta desaroya nan habilidadnan comunicativo y habilidadnan pa traha hunto. Na final di e proyecto e alumnonan lo ta miho ekipa pa enfrenta e mundo laboral di futuro.
Maria College Mavo ta invita henter pueblo di Aruba pa asisti na e anochi di exposicion pa admira e proyectonan cu nos alumnonan a traha intensivamente riba dje. E exposicion lo tuma luga dia 17 di april 2019 for di 6or di atardi te 9or di anochi na Maria College Mavo situa na Van Leeuwenhoekstraat.
