Diasabra mainta 10:00 am a start Expo Salud den Centro Deportivo Betico Croes. Gobernador interino, Agustin Vrolijk a efectua e apertura y tabata e prome persona pa haci test tambe. Varios otro dignatario a duna acto di presencia, mientras cu un publico grandi a asisti pa probecha e posibilidad pa no solamente check, sino haya guia valioso riba con bina mas saludabel.
Locual a haci e exposicion asina exitoso, tabata e variedad di informacion cu tabatin disponibel pa comunidad. Hopi profesional den cuido medico a participa, cu booth di informacion.
Por ehempel, diabetes ta un di e enfermedadnan mas comun den comunidad, cu ta cobra hopi bida anualmente y cu ta rekeri un cambio den forma di biba, move y come. Bisando esaki, comunidad tambe tin un rol pa hunga den cambio nos habitonan di comemento. Ta rekeri participacion activo di tur ciudadano. Na final, cada ken ta responsabel pa su mesun salud.
Minister Dangui Oduber a expresa palabranan di elogio na e comision organisado y na ciudadanonan cu a atende. E ta spera di por laga organisa mas di e tipo di eventonan di salud asina den futuro.
