Awe pa mas o menos 12or di merdia a sosode un explosion na Delimar Restaurant situa den Wilhelminastraat # 4 na Playa. Polis, Bombero y Ambulance a yega na e sitio y a constata cu e daño tabata mas bien un spanto y cu no tabatin herido ni daño material. Brandweer a pidi presencia di Dienst Technische Inspectie (DTI) pa revisa si tur protocol di siguridad ta na ordo den e restaurant specialisa den cuminsa Peruano.
Testigonan na e sitio a conta nos cu, pa un of otro motibo, e valve di stoof tabata lek y cu tabatin un tiki concentracion di gas den e cushina. Na momento cu e coki a bay cende e stoof, a surgi un vlam masha grandi.
E señora a spanta, bula atras y den e proceso a cay y dal su cabes den cushina. No tabatin candela ni nada a kima. A paga e stoof y Bomberonan a sigura cu e situacion tabata bou control. Paramediconan den Ambulance a brinda cuido medico na e victima.
