Aruba Heart Foundation por mira atras cu satisfaccion riba e di dos “5 KM Fun Beachwalk”cu a tuma luga diasabra, 23 di september 23, 2023. A scucha hopi comentario positivo.
Den un tremendo ambiente di blaas y cu un “curason” grandi canando rond, e grupo a sali pa e “walk”. Asina e fundacion a recorda cu den luna di september internacionalmente ta e luna di curason y e Presidente a accentua esaki den su speech prome cu e caminata a cuminsa.
E participantenan, consistiendo di diferente grupo, a sali cu hopi animo di e beach banda di Costa Linda y a bay te Embassy Suites y despues a regresa final.
Pa solamente Fls. 10.00 tur a pasa registra y haya nan “head-band” di Aruba Heart Foundation y na final, fuera di patia y apelsina pa tur participante, tabatin hopi premio y tur a bay cas hopi contento.
Un biaha mas nan kier a gradici Benu, Superfood, Flora, Compra, Subway, Manchebo Beach Hotel y Clear Kajak pa nan contribucion. Tambe Ibisa y Rode Kruis pa nan cooperacion. Claro tambe na e mas cu 150 participantenan.
Esaki ta locual ta duna e Directiva di Aruba Heart Foundation mas animo pa sigui traha.
