Gobierno tin un responsabilidad pa paga e companianan cu e ta traha cu ne y si e no cumpli cu nan, mas cu claro cu nan lo tuma cierto pasonan.
Un ehempel ta e echo cu varios restaurant a cera cuenta pa Cuerpo Policial door cu Gobierno no a paga e cuenta y mescos t’e caso tambe cu e compania cu ta brinda e servicio di takelwagen. Akinan tambe Gobierno tin un cuenta habri.
Durante un conferencia di prensa, miembro di parlamento di fraccion di AVP, drs. mr. Arthur Dowers, a indica cu pa gobierno no ta importante pa cumpli cu su creditornan, pero si ta hopi importante pa cumpli cu e ‘narco helicopter’, esey ta demostra e prioridadnan di Gobierno.
Tin un cosnan importante pa por percura pa e organisacion funciona. Antes Cuerpo Policial tabata hopi contento cu e 1 miyon florin extra cu nan tabata haya. Si Gobierno no por cumpli, e mester tuma e pasonan pa e por sigura cu e organisacion por sigui draai.
