Un situacion cu tabata escalando pa basta dia caba na un cas na Paramira caminda un relacion toxico no por a mira final mas di nan storia di amor.
Na mas di un ocasion a pidi presencia di polis pa un dama cu kier regla e sutuacion entre su ex pareha cune den forma violento y destructivo. Cu menasa fuerte y basta obheto kibra den cas, e ex pareha ta keda presenta cada biaha na e dicho adres.
Awe no ta diferente! E victima a tuma contacto cu 24ora.com pa asina nos por ta testigo di tur locual ta pasa y bisa na momento cu e persona aki presenta. A pidi asistencia di polis tambe un biaha mas pa si cualkier momento e pareha toxica dicidi di kibra tur cos atrobe, esaki ta locual e cabayero a informa.
E ex-pareha mester a bandona trabou y bin inmediatamente su cas pasobra e dama lo a causa destruccion atrobe y cu intencion di bin biba cu su pareha nobo den e cas. Esaki ta algo cu e doño di cas naturalmente no lo acepta.
Un sin fin di insulto a cuminsa di ambos banda y insinuacionnan basta fuerte mustrando cu e situacion aki lo ta leu di keda cla entre nan dos.
Por a compronde cu na final a indica na e dama cu e tin cu bandona sitio, cu e no ta bonbini mas na e dicho adres y mirando cu e cabayero ta doño di e cas, cu e ta den tur su derecho di pidi pa e no regresa e cas mas y cu e tin cu respeta cu e relacion a caba masha tempo atras.
