Un situacion basta serio a tuma luga durante orario di scol cu algun auto y persona sospechoso cu menos bon intencion. Esaki a tuma luga den area di EPB San Nicolas den careda di 1:30PM.
Algun unidad di polis a presenta na prome instante pa un yamada indicando cu tin algun hoben cu machete den man y cu mal intencion rondonando e scol.
Na yegada polis no a encontra ningun hende pero a bin compronde cu nan lo bandona sitio den dos diferente vehiculo pero di mes un marca. Ta trata di dos Nissan March y tur dos color blauw ( pero un mas scur cu e otro).
Mesora a cuminsa un buskeda den area y a para un Nissan March den cercania di e scol mes. Un poco mas pariba a duna e auto ordo pa para pa asina listra e sospechosonan. A resisti formalmente cu polis. Den nan poder nan tabata tin algun obheto cu por concidera arma blanco, manera entre otro sker y schroefdraai.
Polis a actua y detene dos sospechoso na sitio mientras a sigui un investigacion riba e sucedido.
