Den un entrevista exclusivo cu 24ora.com, Patricia Sanchez-Marchena, mama di e victima di violacion sexual di diaranson manece diahuebs y alabes casa di Franklin Sanchez, sospechoso di asesinato di diahuebs ultimo, ta conta nos kico a sosode cu nan yiu muhe di apenas 24 aña di edad. Lo transmiti e entrevista aki integralmente awe diasabra pa 9:00pm via Facebook y riba website di 24ora.com.
E reaccion di e tata y mama di e victima di abuso tabata di rabia, desesperacion y desapunto. Esaki pasobra ambos abusado tabata hendenan yega na famia, hendenan cu nan tabatin masha respet pa nan y aprecio. Mayornan di e victima nunca por a biba pensa cu tras di e caranan di lamchi di Marvin y Marlon Stennett ta biba un monster cu un intencion asina mahos.
Keda pendiente riba Facebook y riba 24ora.com pa e entrevista completo. Nos ta #PromeDenNoticia
