Ricibi pa un cantidad grandi di simpatisante, Prome Minister y lider di MEP, Evelyn Wever-Croes a duna su prome declaracionnan, despues di a conoce e resultadonan.
El a comenta cu e eleccion a bay den un bon forma y cu por a celebra democracia sin ningun incidente.
Durante su discurso, Wever-Croes a felicita e partidonan cu a saca asiento. Pueblo a aproba e maneho di MEP. Mester bringa pa integridad den gobernacion, el a menciona. Pueblo a aproba e maneho di partido MEP den gobierno. Pueblo a apoya e hecho pa bringa pa integridad den un gobernacion di berdad. Y pueblo a reconoce e trabao duro y sacrificio grandi haci den e maneho di nos pais den e ultimo tres añanan aki y pasando den e pio crisis cu mundo a reconoce. Y cu esaki a considera cu MEP ta e partido di mas grandi di Aruba.
Esey tabata su compromiso mayor tempo el a tuma e partido over di Nel Oduber.
Pueblo a papia cla y a pidi un coalicion y MEP ta cla y dispuesto pa forma e siguiente coalicion pa e gobierno di Aruba.
Ta cla pa asumi e responsabilidad ey, no cu menasa, ni forsa, pero cu dialogo pa yega na acuerdonan den e miho interes y Aruba na prome luga.
Pa mas detaye registra riba www.trempan.com