Por a ripara cu na Aruba Forensys ta dunando un servicio cu tur hende ta satisfecho cun’e. Ta un servicio cu no tabata existi den pasado. Caroline Hollander kende ta directora di Forensys den tur e islanan, a splica cu e producto aki a nace na 1994. El a start caminda cu su tata a cuminsa bay riba caya pa e busca cliente pa su garage y a bin mira cu hopi persona cu ta dal auto, ta hopi irita, hopi nervioso, hopi ansha y nan no sa kico nan tin cu haci. Eynan e cos a nace. Awor aki tin 23 aña na Corsou cu ta haci e producto. Tin mas di 10 aña na Boneiro, St. Maarten y tambe na Aruba. Tabata na Aruba pa basta aña caba cu otro partner riba mercado.

E producto ta alivia y sirbi hende. Esey ta loke nan ta haci. Na un momento cu un hende ta dal auto, tur hende tin pura, tur hende ta nervioso. Tin hende herida. E situacion ta gewoon hopi incomodo y Forensys ta e organisacion ta yega pa alivia y sirbi pa tur hende sigui nan bida. Despues e proceso di seguro ta sigui mucho mas facil.

Esey ta loke ta para pe.

 

Relacion cu autoridad

Den tur mercado ta hopi importante pa forensys tin un relacion cerca cu polis, mirando cu nan ta forma un parti integral di e producto. Sin polis Forensys no por sirbi e pueblo. Mester di nan pa nan haci nan parti y nan mester di Forensys pa haci e parti pa e seguro, asina nan ta yena otro su buraconan y hunto ta alivia y sirbi comunidad riba tur mercado.

 

Servicio

Hollander a splica cu total awor aki, riba tur mercado cu nan ta aden, nan tin mas of menos 125 trahado total. Cada mercado mes, depende e infrastructura, ta mas chikito of mas grandi. Esun mas grandi cu a cuminsa cun’e ta Trinidad, cual lo bay keda crece. Ta e cantidad di Forensys Group, Hollander a comenta.

 

Proceso di servicio

Hollander a splica ta hopi importante pa comunidad sa cu ken cu ta por yama Forensys. Cualkier yamada cu nan haya, ta dirigi un di e agentenan inmediatamente na e sitio, pa por alivia y sirbi e situacion. Ora esaki caba, den un corto tempo tin un back office patras ta haci cierto checks, wak si e software ta funciona, wak cu tur subi, pa prome cu 8’or di mainta e seguro tin tur informacion pa asina e proceso por cuminsa. Esey ta e process flow, nan timeline.

 

Tur cos prepara den auto

Ora cu yega cu e van, tin mercado cu nan ta yega cu scooter y brommer, pesey tin tablet tambe, pasobra ta hopi trafico tin riba otro mercadonan mas grandi. Mester tin un brommer of bicicleta pa por yega. Hopi mobil. E vannan si, tin tur cos ekipa den dje. Tin camara, cosnan di midi, conesnan. Tin e audio, caminda cu ta puntra comunidad pa coopera, haci grabacion. Papia cu bo seguro, bo ta riba un grabacion y bo papel, kico a pasabo. No sa kico a pasabo. Expresa bo mes completamente cu Forensys pasobra e data eynan ta keda semper p’abo, pa depende na unda bo ta bay cun’e pa despues por proteha bo mes of e seguro protehabo. Ta ekiponan cu ta carga pa por registra e data.