Partido CURPA no ta kere cu nos no ta permiti pa sigui construi riba un fundeshi cu politiconan tradicional a traha pa ultimo 20 añanan. Nos ta bibando den un tempo di crisis y guera pa poder. Partido CURPA ta urgi pueblo pa lanta for di soño y mira kico ta pasando rond mundo, pasobra no lo tarda mucho pa desgracia bati tambe na nos porta. P’esey partido CURPA ta kere cu esaki ta e tempo pa lanta nos isla y pone bek riba pia. pero construi nos futuro riba un fundeshi solido. Pa nos logra esaki nos mester traha hunto. E fundeshi solido lo mester cuminsa den cada hogar aki na Aruba. Den e hogarnan mester por tin paz, amor y e deseo pa nos por prospera. E fundeshi di cada hogar mester tin homber- y muhenan cu un vision pa un miho futuro.
Awor mas cu nunca nos mester ta prepara pa e retonan nos dilanti. Nos tur sa cu nos tin un gobierno comunista na poder y nos gobierno no ta interesa den bienestar di nos isla. Cada dia cu pasa nos pais ta bayendo cu pasonan grandi atras. Un gobierno cu tin partidonan politico cu kier construi riba un fundeshi di mentira. Un gobierno cu su curason ta leu for di Dios. Si berdaderamente nos gobierno a busca Dios nos lo a mira su bon frutanan y nan lo hala for di nan mal caminda y drecha tur nan erornan cu nan conscientemente ta admira y no rechasa. Tin un diferencia entre remordimento y arepentimento. Un hende cu tin remordimento sa cu el a haci malo. E ta ripiti su eror, pero ta pidi Dios pordon’e un biaha mas. Un hende arepenti ta pidi pordon na Dios y lo entrega su puesto paso e sa cu aunke el a pidi pordon e mester asumi su responsabilidad y sa cu tin consecuencianan pa tur malo cu el a haci. Dios lo sa di restaura e persona den su tempo.
E mal gobernacion aki ta haci cu nos yiunan di tera ta bandona nos isla pa un miho futuro. Unda cu e gobierno aki a pone su man, el a haci daño. Despues di a duna dos (2) director di WEB Aruba NV un “golden handshake” por a tende cu mas hende den e top di WEB NV ta bandona nos planta di awa y electricidad pa via di metemento politico den maneho diario di e planta. Partido CURPA tin un mensahe na tur esunnan cu ta den conseho di supervision: boso ta responsabel si tin cosnan malo a tuma luga den empresanan estatal. E 2000 florin cu bo ta cobra tur luna lo no yega pa e consecuencianan di mal decision y metemento politico. A nan lo keda bon, pero abo si na final lo perde tur cos.
Riba tur tereno nos isla ta bay atras. Esaki ta danki na mal maneho sin cu tin un boluntad pa goberna nos isla. Nos careteranan ta na werki. Si nos mira cu nada no ta wordo haci cu nos planta di purificacion na Bubaliplas y ta facil pa laga awa sushi bay lama y haci daño na e bida marina. Nos cuido medico ta den cuido intensivo, nos siguridad ta pa bay atras y asina nos por sigui menciona. Un cos si por tin, placa pa fiesta y pa biaha. Join the mep and see the world.
Nos tin parlamentarionan cu ta papia di corupcion, pero te cu awe no ta papia kico lo haci pa drecha e situacion di nos pais. Un parlamentario cu ta yama su mes Cristian nunca di su bida por sigui sostene un gobierno cu ta pusha e plan diabolico di agenda 2030. E parlamentarionan aki mester saca e balki for di nan wowo y stop di mira e splinter den wowo di gobierno di pasado. Boso tarea ta di controla gobierno y para tur locual cu ta malo, pero ta prefera di vota pa tapa actonan castigabel pa ley y asina bira complice di maldad. Partido CURPA ta kere cu nos no por sigui man crusa mas y sigui tolera abuso di e gobierno comunista aki. Hesus mes a tuma accion y a bolter mesa paso nan a haci cas di su Tata cas di ladron.
Den januari 2023 nos lo tin cu subi caya pasivamente y para pa nos derechonan. Ta tempo pa salba Aruba for di man di comunista pa nos tin libertad.
