Colegio EPI ta invita pueblo di Aruba na un charla diamars dia 21 di mei 2019. E charla ta tocante e resultado di un sondeo cu nan a haci di 13 isla di Caribe. El a tocante e agenda di educacion pa 2030 y punto #4 di e Sustainable Development Goals. E punto #4 ta trata educacion gratis pa tanto mucha homber como mucha muhe, pa tanto nivel di scol basico como scol secundario.
E presentador, sra.Dr. Sharmaine Barret, ta e persona cu lo duna e charla en cuestion. Nos ta invita tur persona envolvi den ramo educacion mucha, hoben y adulto.
E charla lo tuma luga na Colegio EPI, Collegezaal. Diamars 21 di mei. E ta cuminsa 5’or di atardi y termina 7’or di anochi. Entrada ta gratis.
