Riba e desaroyo andando pa cu supervision financiero di Hulanda, 24ora.com a tene un encuesta riba red social y duna e comunidad e oportunidad di expresa y vota riba e pregunta si nan lo ta di acuerdo pa acepta un supervision of no.
E acogida tabata abrumador. Un total di 9.9 mil hende a vota durante e 24 oranan cu tabata posibel pa haci esaki riba nos pagina. Cu un total di 78% PRO y 22% CONTRA, e encuesta aki a cera awe mainta.
No solamente e diversidad pero e cantidad di e votadonan a duna un bista basta amplio di e sentimento cu ta biba den e pueblo cu ta sinti cu nan kier mira un cambio y ta dispuesto na perde pa un cierto tempo parti di nos autonomia contal cu bin un ahustacion den e manera cu ta atende economia y finansas riba Aruba. Hopi ta esunnan cu kier mira un cambio drastico y ta prefera di pone esaki den man di Hulanda y cu ta mustra claramente tambe cu e confiansa den e Gobierno aki no tey mas.
