Desde diaranson ultimo cu presidente di parlamento di Aruba, mr. Juan “Ady” Thijsen a dicidi di hala e mocion di desconfiansa aden y declara tur tres mocion pasa den parlamento como “nulo”, mesora a drenta un avalancha di critica for di tur skina den comunidad. Aunke tin hende ta sinti cu den pasado, pa menos cu e eror aki, otro parlamentarionan (di MEP mes) a haya nan ta tene honor na nan mes y tuma retiro, toch tin ciudadano ta pensa cu eror ta humano y cu Thijsen por mantene su puesto sin problema.
Link : https://www.facebook.com/stories/1710490715699658
Pa esey a opta e ora pa organisa un encuesta di un solo dia, pa midi kico nos usuarionan ta pensa riba e topico specifico aki, sea e politico por mantene su puesto of mester haci mescos cu Sue-Ann Ras y Luigi Bergen, esta tuma su retiro sea como presidente of como parlamentario di nos pais. Pa por participa, mester primi aki:
Mester tene cuenta si cu e hecho cu haci un eror personal, of faya cu bo famia of mira pelicula durante un reunion nunca ta mesun pisa cu pone henter cara di e instituto parlamento na berguensa, tanto na Aruba mes, como tambe na Hulanda y tur otro pais di mundo. Pa tipo di erornan asina aki, normalmente, parlamentarionan sa tuma nan retiro pa por demostra di berdad con integro nan ta.
